انصار(جمعه، د سنبلې ۲۴مه)، له اقتصادي بحران سره مخامخ پاکستان اړ شو چې د خپل ملي هوايي شرکت څو الوتکې د مالي ستونزو له کبله ودروي.

د پاکستان د هوايي شرکت، بې آی اې ویندوی پرون (پنجشنبې) وویل چې د لنډې مودې لپاره خپلې پنځه الوتکې دروي.

پاکستان په داسې حال کې د پې آی اې دا الوتکې دروي چې دا هوايي شرکت له سخت مالي بحران سره مخامخ دی، الوتکې یې زړې شوي او اوس د هغو لپاره پُرزې او وسایل نه شي رانیولی.

د امریکايي رسنۍ بلومبرګ د راپور له مخې، پي آی اې په وروستیو څو لسیزو کې نه یوازې دا چې نوې الوتکې نه دي اخیستي بلکې له نورو هیوادونو یې الوتکې په کرایه کړي چې د کرایې پیسې یې نه شي برابرولی.

دې رسنۍ د پي آی اې د ویندوی عبدالله خان په قول ویلي چې دوی باید لږترلږه ۱۰۰ میلیون ډالره ۶ شرکتونو ته د هغو د الوتکو د کرایې او یا د پور د سود په خاطر ورکړي.

پاکستاني رسنۍ وايي چې دا وېره شته چې د پي آی اې ټولې الوتکې په لنډ وخت کې له الوتنو ووځي.

دا هوايي شرکت له څو کلونو راهیسې د ګټې پر ځای تاوان کوي او د دې لپاره چې څه نا څه فعاله پاتې شي، له مرکزي حکومت څخه یې غوښتي چې ۲۳ میلیارد روپۍ مرسته ورکړي.

د پي آی اې ویندوی ویلي چې د بوینګ او ایریس الوتکو کمپنیو دوی ته د پرزو لېږل درولي دي.

د بلومبرګ پر اساس پر پي آی اې د بهرنیو شرکتونو پور تر دوه نیم میلیون ډالرو اوړي چې دا د دې شرکت د ټولې شتمنۍ پنځه برابره ده.

LINK: https://www.ansarpress.com/english/27007

*	NAME
*	COMMENT
4 DIGITS BELOW
*

	Formation of the Federalist Assembly of Afghanistan
	Taliban: Afghanistan Does Not Have Formal Border With Pakistan
	Pedram: The Abduction of Hazara and Tajik Women Recalls the Crimes of Abdur Rahman
	Special envoys from G7 countries discuss Afghanistan in London meeting
	UNAMA report: 49 Hazara community members killed in Afghanistan in three months
	Generations of Pakistan and Afghanistan who fell victim to suicide attacks
	UNAMA urges increased protection for Afghanistan’s Hazara community after Kabul attack
	Explosion reported in Kabul , casualties still unknown
	UN expert demands ‘immediate’ release of women detained by Taliban for ‘bad hijab’
	Resolution Shows UNSC Support for Reintegration of Afghanistan: Miller